Brıtandyq fermer taza aýany jınap aýqatty qytaılarǵa saýdalaýda
ASTANA. QazAqparat - Ulybrıtanııada jergilikti sharýashylyq qojaıyny Leo de Vatts aýyldyń taza aýasyn satyp júr. The Independent basylymynyń jazýynsha, aýqatty qytaı turǵyndary brıtandyq taýarǵa erekshe qyzyǵýshylyq tanytyp otyr.
Tumandy Albıonnyń taýly shyńdarynan jınalǵan aýanyń bir qutysy 80 fýntqa satylýda. Kásipkerdiń aıtýynsha, brıtandyq «ónimdi» aýasy lastanǵan Shanhaı jáne Beıjiń turǵyndary kóbirek satyp alýda, aýqatty turǵyndar birneshe jutym aýa úshin qomaqty somany tóleýdi qıynsynbaı otyr.
Vottstyń saıtynda aýanyń Somerset mańynan, Ýels pen Dorsetten jınalatyndyqtan, jupar ıisti ekeni atalyp ótilgen. Jarnamada «tumsa tabıǵat tazartqan aýa, ol aǵashtyń arasynan esip, syldyrap aqqan bulaqtyń sýymen tazarady, jartastardyń arasynan ótip kórkem tabıǵattyń ortasyna oralady» dep kórsetilgen.
Bir qyzyǵy keıbir tutynýshylar aýany satyp alyp jınaýda, olar onyń baǵasy keıinnen qymbattaıdy dep esepteıdi.
