Brıtandyq erli-zaıyptylar ómirinde eki ret EuroMillions lotereıasynan iri utysqa ıe boldy
ASTANA. QazAqparat - Brıtandyq Skantorp qalasynan erli-zaıyptylar ómirinde ekinshi ret EuroMillions lotereıasynan utysqa ıe boldy, dep jazady Lenta.rý The Daily Express basylymyna silteme jasap.
Basylym aqparatyna qaraǵanda Devıd Longý men Ketlın Makkenzı budan eki jyl burynǵydaı bir mıllıon fýnt utysqa ıe bolǵan. Bular osy joly sonymen qatar bonýs túrinde Jaguar avtomobılin de alady.
«Bul endi bolmaǵan jaǵdaı. Tipti bir ret utqandardyń ózi ózderine kele almaı jatady. Al eki ret iri utysqa ıe bolǵandardyń sezimin ózderiń bilesińder», - dedi EuroMillions ókilderi bul oqıǵaǵa túsinik bere kelip.
The Daily Express basylymynyń atap ótýinshe, bul 253 mıllıardtan erli-zaıyptylardyń bir ǵana múmkindigi kórinedi. Redaktsııa bul jańalyqty birinshi sáýir ázili dep sanamaýdy atap kórsetti.
EuroMillions - halyqaralyq lotereıa, oǵan toǵyz eýropalyq el qatysady. Utys oıyndary ár seısenbi men jumada ótedi. Eń iri júlde - 148 mıllıon fýntty aǵylshyndyq otbasy 2012 jylǵy tamyzda utyp alǵan kórinedi.
