Brıtandyq dárigerler sıam egizderin ajyratty
NUR-SULTAN. QazAqparat – Brıtandyq hırýrgter bastary qosylyp ketken pákistandyq sıam egizderin ekige bólý otasyn sátti aıaqtaǵanyn málim etti, dep habarlaıdy QazAqparat.
The Guardian gazetiniń jazýynsha, 50 saǵatqa sozylǵan kúrdeli ári kóp satyly ota Londonnyń aldyńǵy qatarly balalar aýrýhanalarynyń birinde jasalǵan. Buǵan ártúrli salalardyń 100-den astam mamany qatysty. Olardyń qatarynda kásibı dárigerler men bıoınjenerler bar.
Haıber-Pahtýnhva provıntsııasynyń Charsadda qalasynan kelgen eki jasar Safa men Marva bas súıekteri qosylyp týǵan, qan taratý joldary da ortaq. Basylymda habarlanǵandaı, egizderdi ajyratý týraly baǵdarlama ótken jyldyń sońynda bastalyp, birneshe kezeńmen ótkizilgen. Alǵashqy ota 2018 jyldyń qazan aıynda jasaldy. Ol kezde qyzdar nebári 19 aılyq bolǵan. Ekinshi ota eki aıdan keıin ótkizilgen. Alaıda apaly-sińlili tek aqpan aıynda ótkizilgen jeti saǵattyq otadan keıin ǵana tolyqtaı ekige ajyraǵan.
