Brıtandyq boıjetken selfı úshin ota jasatýǵa 17 myń dollar jumsady
ASTANA. QazAqparat - Rıchmond (Ulybrıtanııa) qalasynyń turǵyny selfı-túsirilimde ádemi shyǵý úshin hırýrgııalyq otaǵa 12 myń sterlıng (17 myń AQSh dollary) jumsady.
Bul týraly Daily Mail jazdy.
28 jastaǵy Shellı Skınns (Shelley Skinns) túsirilimi sátti shyǵýy úshin murny men ıegine plastıkalyq ota jasatqan. Sondaı-aq boıjetken kózildirik kıip júrgisi kelmeı, kóziniń kórýin jaqsartý úshin de hırýrgııalyq operatsııaǵa júgingen.
«Budan bylaı túsirgen selfıime kóńilim tolatyn boldy. Endi óz denemde ózimdi jaqsy sezinetin bolamyn», - dep málimdedi ol.
Skınns 16 jasynda túrli qımylda turaqty túrde ózin-ózi fotoǵa túsire bastady. Endi betiniń fotodan ádemi kórinbeıtin tustaryn osylaısha jónge keltirýdi sheship otyr.
