Brıtandyq boks sholýshysy Tursynbaı Qulahmetke joǵary baǵa berdi

Boksshylar 11 qarashada Saýt Kırkbıdegi (Anglııa) MTK Fight Night boks keshiniń negizgi oqıǵasy retinde aıqasty. Tóreshilerdiń biraýyzdy sheshimimen Tursynbaı Qulahmet birinshi orta salmaqtaǵy WBC International tıtýlynyń ıegeri atandy.
«Tursynbaı Qulahmet Makoleı Makgoýenmen sársenbi kúni MTK Global shoýynda on raýnd boıy aıqasyp, upaı sany boıynsha jeńiske jetti. Meniń esepteýim boıynsha Qulahmet 99-89 upaıymen alda boldy. Bul onyń ekinshi jekpe-jegi ǵana. Álemdik bokstaǵy eń áserli ózindik jol. Sol qolymen erekshe jumys isteıdi jáne jeńil qozǵalady», - dep jazdy Ýılıams tvıtterde.
Eske salsaq, Tursynbaı Qulahmet WBC International tıtýly úshin aıqasqan edi.Tursynbaı Qulahmet kásibı rıngtegi debıýtin 23 tamyzda ótkizgen. Ol qazaqstandyq Saǵadat Rahmanqulovpen (6-2, 4 KO) aıqasyp, ony tórtinshi raýndta ýaqytynan buryn jeńgen bolatyn.