Brıtandyq bıznesmen úsh elde 11 adamǵa koronavırýs juqtyrǵan
NUR-SULTAN. QazAqparat - Ulybrıtanııada úsh elge baryp, 11 adamǵa koronavırýs juqtyrǵan adam anyqtaldy. Ol - brıtandyq bıznesmen Stıv Volsh. Bul týraly QazAqparat Sky News saıtyna silteme jasap habarlaıdy.
53 jastaǵy er adamǵa 6 aqpanda koronavırýs dıagnozy qoıyldy. Ol Sıngapýrda bolǵan konferentsııaǵa qatysqan. Osydan keıin Volsh Frantsııada Alpige taý shańǵysy demalysyna ketken, sodan keıin Ulybrıtanııaǵa oralǵan.
Ol vırýsty 11 brıtandyqqa juqtyrdy degen boljam bar: tórteýi - Ulybrıtanııada, beseýi - Frantsııada jáne bireýi - Maıorkte.
Er adam Ulybrıtanııanyń densaýlyq saqtaý organdaryna koronavırýs juqtyrý yqtımaldyǵy týraly eskertken. Keıinnen onyń nátıjesi rastaldy.
Volsh qazirgi ýaqytta Sent Tomas brıtandyq aýrýhanasynda karantınde jatyr. Onyń otbasyn da oqshaýlaý suraldy.
