Brıtandyq bir táýlikte 12 elge baryp shyqty
ASTANA. QazAqparat - Iorkshır graftyǵynyń turǵyny Adam Leıton (Adam Leyton) 24 saǵatta barǵan elder sany boıynsha rekord ornatty. 25 mamyrda ol tańerteńgi 7-de Germanııadan shyǵyp, jolaı Lıýksembýrg, Frantsııa, Belgııa, Gollandııa, Danııa, Shvetsııa, Polsha, Chehııa, Slovakııa, Vengrııada bolyp, saparyn Avstrııada aıaqtady. Bul týraly Daily mail basylymy jazady.
Bir táýlik ishinde týrıst Varshavadan Bratıslavqa baratyn poıyzda eki saǵat qana kóz shyrymyn alǵan. Sońǵy 12-shi memleketke úlgerýi úshin oǵan shekarany jaıaý kesip ótýge týra kelgen.
39 jastaǵy úsh balanyń ákesi osy saparyn qańtar aıynan beri josparlaǵan.
Buǵan deıingi osyndaı álemdik rekord 1993 jyly ornatylǵan, sol joly saıahatshy bir táýlikte 11 memleketke baryp úlgergen.
