Brıtandyq «BBC World» Qorǵas týraly derekti fılmdi kórsetedi
ASTANA. QazAqparat - Brıtandyq «BBC World» telekompanııasy «Qorǵas-Shyǵys qaqpasy» AEA týraly derekti fılmdi kórsete bastady, dep habarlaıdy QazAqparat.
Atap aıtqanda, «Shyǵys pen Batys túıisken tus» dep atalatyn derekti fılm «Qorǵas-Shyǵys qaqpasy» AEA týraly túsirilgen. Onda Shyǵys pen Batys jáne Soltústik -Ońtústik baǵdarlarynyń túıisken tusynda álemdik deńgeıdegi iri dıstrıbýtsııalyq ortalyq damyp kele jatqandyǵyn atap ótken jón.
Fılmniń prodıýseri D. Ýels qazir Qorǵasta alyp qurǵaq port boı kótergenin aıta kele, Qazaqstan men Qytaı shekarasynda ornalasqan Qurǵaq port Azııa men Eýropaǵa shyǵatyn tranzıttik poıyzdardy óńdeýden ótkizetinin kópshilikke tanystyryp otyr.
Belgili bolǵandaı, derekti fılmdi túsirý toby Nurkent selosynyń jergilikti turǵyndarynyń taǵdyry týraly qyzyqty materıal ázirledi. Onda «Qorǵas» HShYO-ǵa erekshe nazar aýdarylǵan.
Aıta ketıik, bul joba Qazaqstan men Qytaı Memleket basshylarynyń bastamashylyǵymen júzege asyrylýda. Negizgi ınvestıtsııalyq nysandardyń qurylysyn 2018 jyly aıaqtaý josparlanyp otyr.
«Fılm «VVS Worldwide» baǵdarlamasy arqyly segiz tilde berilip, aptasyna álemniń 74 mıllıon kórermenin qamtıtyn bolady. Qazaqstandyq telekórermender derekti fılmdi 27 mamyrda tamashalaıtyn bolady»,-dep atap ótilgen «Qazaqstan temir joly» UK» AQ baspasóz qyzmetiniń málimetinde.
