Brıtandyq Barselonada ulyna uqsaıtyn balany qutqaryp qaldy
ASTANA. QazAqparat - Balanyń taǵdyry beımálim. Er adam ony jergilikti aýrýhanalardan izdestirýde.
Brıtandyq Garrı Etvol Barselonadaǵy terrorıstik shabýyl bolǵan kezde qorǵap qalǵan balany izdep jatyr, dep jazdy Daily Mirror.
Barselonadaǵy júk kóligi alańdaǵy adamdardy qaǵyp jatqanda, Garrı es-tússiz jatqan balany baıqap qalady. Ol óziniń qaýipsizdigi týraly oılanbastan, ony óz denesimen jaýyp qalady.
Garrıdiń aıtýynsha, sol sátte jerde jatqan bala onyń uly sekildi kóringen.
«Ol es-tússiz jatty, aıaǵy maıysyp jatyr eken, basynan qan ketip jatty, - dedi brıtandyq.
«Onyń júrek soǵýyn tekserdim - júregi toqtap qalǵan eken. Keıin qolymdy arqasyna qoıyp, ol ólip qaldy dep oıladym. Shashynan sıpap, qatty jyladym, qasynda boldym. Balany joldyń ortasynda qaldyryp ketpes úshin janynda otyrdym».
On mınýt ótkennen keıin Garrı men jaraqattanǵan balaǵa dárigerler keledi. Olar balany jedel járdem mashınasyna otyrǵyzyp, alyp ketken.
Balanyń taǵdyry beımálim. Qazir brıtandyq zardap shegýshini aýrýhanalardan izdestirip jatyr.
