Brıtandyq bankter suranystyń joǵary bolýynan eýro satýdy toqtata turady
ASTANA. QazAqparat - Brıtandyqtardyń qolma-qol eýroǵa suranysynyń kúrt artýy men eldiń Eýroodaqtan shyǵý sheshiminen keıin baǵamnyń sharyqtaýy valıýta aıyrbastaýmen aınalysatyn birqatar bankter men kompanııalardyń juma kúni operatsııalardy toqtata turýyna májbúrledi, dep habarlady Vedomostı.
Financial Times aqparatyna sáıkes, Royal Bank of Scotland jáne onyń Natwest bólimshesi jeke tulǵalar úshin bólimshede jáne saıttarda valıýtalyq operatsııa júrgizýdi toqtatty.
Bank klıentterin Travelex kompanııasyna jiberýde jáne óz servısiniń jumysyn dúısenbide jańartýǵa nıetti.
Brıtandyq pochtanyń Travel Money saıtynyń jumysy jumada valıýta aıyrbastaý operatsııasy kóleminiń kúrt artýyna oraı tehnıkalyq problemalarǵa baılanysty toqtatyldy.
Thomas Cook týrıstik kompanııasy saıtta valıýta aıyrbastaýdy toqtatty. Al bólimshelerge eýroǵa suranystyń artýynan 1000 fýnt kóleminde shekteý engizildi.
