Brıtandyq arheologtar mezolıt dáýiriniń qarý-jaraq zaýytyn tapty
ASTANA. Qarashanyń 9-y. QazAqparat - Bir top brıtandyq arheologtar Melton qalasyna jaqyn mańdaǵy Lestershır graftyǵynan mezolıt dáýirine jatatyn qarý-jaraq zaýytyn arshyp aldy,
dep habarlaıdy QazAqparat Lenta. Rý saıtyna silteme jasap.
Qazba jumystarynyń ornynan bes myńǵa jýyq zat - negizinen jebelerdiń kremnııden (shaqpaqtastan) jasalǵan ushtary jáne synyqtary tabylǵan.
Arheologtar tobynyń jetekshisi Ýeın Djarvıstiń aıtýynsha, qazba jumystary júrgizilgen jer ýchaskesi eshqashan egistik alqapqa paıdalanylmaǵan, osynyń arqasynda artefakttar óte jaqsy saqtalǵan. Tabylǵan kremnııdiń basym bóligi, arheologtyń aıtýynsha, jebeler jasaıtyn ózindik erekshe «zaýyttyń» bolǵanyn bildiredi.
Djarvıs sonymen qatar, Lestershırde kremnıı ken ornynyń joq ekenin - eń jaqyny Lınkolnshır graftyǵynda ornalasqanyn aıtady. Osyǵan baılanysty arheolog jebelerdiń muqalǵan ushtary qaıta egelip jáne qaıtalap paıdalanylǵan degen boljam aıtty.
