Brıtandyq 65 jyl buryn alǵan kitabyn kitaphanaǵa qaıtardy
ASTANA. QazAqparat - Brıtanııalyq mekteptiń burynǵy oqýshysy kitaphanaǵa 65 jyl buryn alǵan kitapty qaıtaryp, ótemaqy retinde 1,5 myń fýnt (2 myń dollardan astam) qarajat berdi.
Taýnton mektebin 1949 jyly támamdaǵan 82 jastaǵy ser Djeı Tıdmarsh shkafty aqtaryp júrip, kitaphananyń Somerset Moemnyń "Eshenden, nemese Brıtanııalyq agent" kitabyn tapqan. Keıin «aıyppul» tólep, ony qaıtarý sheshimine kelgen.
"Qalaı bolǵanyn bilmeımin, kitapty ashqanda «Taýnton mektebiniń múlki» degen tańbany kórdim. Birden ony aıyppul tólep, qaıtarýdy uıǵardym ", - dedi ol.
Al Bristol Post gazeti 65 jyl boıy qaıtarylmaǵan kitap úshin shyn máninde 2,5 myń fýnttan astam aıyppul tóleý kerektigin atap ótti.
