Brıtandyq 2 myń jyl burynǵy qazynany taýyp aldy
ASTANA. QazAqparat - Brıtandyq BAQ-tyń habarlaýynsha, aǵylshyndyq Derbıshır graftyǵynyń aýmaǵynda ornalasqan úńgirlerdiń birinen rımdik kezeńde jáne keıingi temir dáýirinde paıdalanylǵan moneta toly sandyq anyqtaldy.
Eki myń jyldan astam ýaqyt buryn jasyrylǵan qoımany jergilikti turǵyn taýyp aldy. Ol bul jerdi anyqtaǵannan keıin ony dereý memleket bıligine habarlaǵan kórinedi.
Atalǵan jerge qazba jumystaryn júrgizý úshin arheologtar toby baǵyttaldy. Ǵalymdardyń paıymynsha, osy aýmaqta kóptegen kóne jádigerler bolýy múmkin, dep jazady Rosbalt.
Atap aıtqanda, qazba jumystaryna Ulybrıtanııanyń mádenı jáne tarıhı murasyn saqtaýmen aınalysatyn uıymdardyń ókilderimen qatar áskerı qyzmetkerler de jumyldyrylǵan.
