Brıtandyq qyz Atlant muhıtyn júzip ótip, álemdik úsh rekord ornatty
ASTANA. KAZINFORM — Zara Laklan esimdi brıtandyq qyz Eýropadan Ońtústik Amerıkaǵa deıin 7 myń shaqyrymdy baǵyndyryp, Atlant muhıtyn qaıyqpen júzip ótken tarıhtaǵy eń jas adam atandy.
Osy erligi úshin ol Gınnestiń rekordtar kitabyna úsh nomınatsııa boıynsha endi.
21 jastaǵy Laklan Portýgalııanyń Lagýsh qalasynan óziniń eskekti qaıyǵymen Frantsýz Gvıannasynyń astanasy Kaenna jaǵalaýyna 97 kún 10 saǵat 20 mınýtta jetti.
Osylaısha ol Atlant muhıtyn bir qurlyqtan ekinshi kontınentke qaıyqpen júzip ótken alǵashqy áıel atandy. Laklan, sonymen qatar eń jas sportshy jáne mundaı saıahatty jalǵyz aıaqtaǵan eń jas adam.
Saıahat kezinde Zara kúnine keminde 17 saǵat qaıyqpen júzip, ár uıyqtaý ýaqyty 90 mınýttan aspaǵan.
Eske sala keteıik, Marokko 7,2 mıllıon týrıst qabyldap, jańa rekord ornatty.