Brıtandyq kıno syılyǵynyń laýreattary anyqtaldy

ASTANA. KAZINFORM – Londonda Brıtandyq kıno akademııacynyń BAFTA syılyǵymen marapattaý rásimi ótti, dep habarlaıdy BBC. 

Eń úlken jetistikke Krıstofer Nolannyń «Oppengeımer» blokbasteri jetti. Ol úzdik fılm, úzdik er adam róli jáne úzdik rejısser sııaqty barlyǵy jeti nomınatsııany jeńip aldy.

Nolannyń qos azamattyǵy bar: Ulybrıtanııa jáne AQSh. Biraq kimde-kim onyń áli de óziniń brıtandyq tamyryna adal bolyp qalatynyna kúmándanatyn bolsa, Nolan muny «úıge oralý» dep aıtqannan keıin onyń kúmáni seıiledi.

«Oppengeımerdiń» prodıýseri – Nolannyń áıeli Emma Tomas. Ol mundaı sátti «tipti elestete almaǵanyn» aıtty.

Ekinshi orynda bes júlde berilgen bas róldi Emma Stoýn somdaǵan «Baqytsyzdar» fılmi tur. Stoýnnyń ózi úzdik áıel róli júldesin jeńip aldy.

«Múddeler aımaǵy» tarıhı dramasy úsh BAFTA júldesin jeńip aldy. Sonyń ishinde kórnekti brıtandyq fılm úshin júlde bar.

Kórermender arasynda eń tanymal «Barbı» men «Soltbern» on marapatqa usynylǵanyna qaramastan, júldeden qur qaldy.

Marapattaý rásimine Ulybrıtanııa kınoakademııasynyń prezıdenti Ýels hanzadasy Ýılıam da qatysty.

Marapattaý rásimi men banketterden keıin jeńimpazdar men jeńilgender shamamen eki aptadan keıin ótetin «Oskar» syılyǵyn tabystaý rásimine daıyndalý úshin Atlant muhıtynyń arǵy betine attanady.