Brıtandyq belsendiler Ilon Maskqa qarsy narazylyq retinde Tesla-ny talqandady
ASTANA. KAZINFORM – Búlingen kólik endi aýktsıonǵa qoıylady, al odan túsken qarajat qaıyrymdylyqqa jumsalady, dep jazdy Anadoly.
Londonda bir top belsendi amerıkalyq mıllıarder Ilon Maskke qarsy narazylyq aktsııasyn uıymdastyryp, Tesla kóligin syndyrdy.
Baılyq teńsizdigi máselesine nazar aýdartý maqsatynda «Bári Ilondy jek kóredi» dep atalǵan uıym qurǵan.
Brıtan astanasynyń ońtústik bóligindegi Hardess Studios ǵımaratyna jınalǵan narazylyq bildirýshiler kólikti balǵamen sondaı-aq beısbol taıaqshalarymen kezek-kezek soǵyp, bólshektep tastaǵan.
Zaqymdalǵan kólik birneshe apta ishinde aýktsıonǵa qoıylyp, túsken qarajat qaıyrymdylyqqa jumsalady.
Top ókiliniń aıtýynsha, 2014 jylǵy Tesla Model S kóligin áleýmettik jáne ál-aýqat teńsizdigi týraly qoǵamdyq pikirtalas týdyrý úshin belgisiz donor syıǵa tartqan.
Buǵan deıin habarlanǵandaı, OpenAI Maskqa qarsy sotqa shaǵym túsirdi.