Brıtan úkimetinde ekinshi mınıstr otstavkaǵa ketti

ASTANA. QazAqparat - Ulybrıtanııanyń ishki ister mınıstri Sýella Braverman premer-mınıstr Lız Trass kabınetiniń ekonomıkalyq saıasatymen kelispeýshiligine, atap aıtqanda, tabys salyǵyn qysqartý máselesine qatysty kúrt ózgeriske baılanysty otstavkaǵa ketti, dep habarlaıdy QazAqparat Euronews aqparat agenttigine silteme jasap.

Brıtandyq Іshki ister mınıstrligine bolyp buryn kólik mınıstri bolǵan Grant Shapps keldi.

Іshki ister mınıstrligi basshysynyń otstavkaǵa ketýi – qazirgi úkimettegi ekinshi oqıǵa.

Mınıstrler kabınetinen birinshi bolyp qarjy mınıstri – qazynashylyq kantsler Kvazı Kvarteng shyqty.

Úkimet basshysy, eń aldymen, leıborıstik oppozıtsııa tarapynan qatań synǵa ushyrap otyr.

«Mendegi tizim osyndaı: 45% salyq jeńildigi joıyldy. Korporatıvtik salyq jeńildikteri de endi joq. 20% salyq jeńildigi joıyldy. Energııa baǵasynyń eki jylǵa toqtatý alynyp tastaldy. Salyqsyz satyp alý toqtatyldy. Eń jaqyn dos, burynǵy kantsler ol da ketti. Eshteńe qalmady. Nelikten ol áli ornynda otyr?!», - dep málimdedi leıborıster jetekshisi Saırýs Starmer Brıtan parlamenti qaýymdar palatasynyń otyrysynda.

«Men qorqaq emes, kúreskermin. Ekonomıkalyq turaqtylyqty qamtamasyz etý úshin, ulttyq múdde úshin áreket ettim», - dep jaýap berdi synǵa Lız Trass.

Biraq premer-mınıstrdiń synshylary onyń jarııalaǵan saıasatyn jeke sheshimi dep sanaıdy. Trastyń keıbir jaqtastary onyń pozıtsııasyn qaýipti dep otyr.

Ótken aptada úkimet basshysy fýnt sterlıng pen memlekettik oblıgatsııalardyń quldyraýyna baılanysty Anglııa bankin qaryz alýǵa májbúrleıtin nesıe shyǵynyn arttyrǵan qarjylandyrylmaǵan salyqty qysqartý paketin qaıta qaraı bastady.

Eske sala keteıik, munyń aldynda da Ulybrıtanııa premer-mınıstri Lız Trass qatelikteri úshin keshirim surap, biraq otstavkaǵa ketýden bas tartqan edi.

Foto: Leon Neal / Getty Images