Brıtan stýdentiniń zańger roboty 3 mln dollardyń isterin jeńýge kómektesti
ASTANA. QazAqparat - Brıtanııanyń Stenford ýnıversıtetiniń stýdenti Djoshýa Broýder paıdalanýshylarǵa ádiletsiz zańdy sheshimderine kelispeýge kómek kórsetitin onlaın - robotty qurastyrdy. Tórt aı ishinde ol 3 mln-ǵa jýyq dollardyń sot isterin jeńip shyǵýǵa kómektesti. Onyń qyzmetine 86 myńnan astam adam júgingen, dep habarlaıdy mashable.com saıty.
19 jastaǵy Djoshýa Broder Stenford ýnıversıtetinde ekonomıka men kompıýter mamandyǵyna oqıdy. Bir jyl buryn ol DoNotPay saıtyn jasap shyqqan. Sol arqyly paıdalanýshylarǵa kólik turaǵyna baılanysty aıyppul salý jónindegi sheshimge qarsy shaǵymdanýǵa kómektesken. «Men bastapqyda ár hatqa jaýap berýge tyrystym, alaıda kóp uzamaı aı saıyn kelip túsetin myńdaǵan hattyń árqaısysyna egjeı-tegjeıli jaýap bere almadym», - dep baıandaıdy Broder. Sonda onyń basyna onlaın robot qurastyrý týraly oıy kelgen.
Robot paıdalanýshyǵa birneshe qalypty suraq qoıady. Aqparat jetkilikti bolǵan kezde, ol apellıatsııaǵa tapsyrý úshin jiberiletin shaǵymnyń mátinin daıyndap, usynady. Broderdiń aıtýynsha, qazir robot kólikti turaqqa qoıý aıyppuldary, densaýlyq boıynsha saqtandyrý máselesi nemese ushaqtar men poıyzdardyń keshigýi boıynsha apellıatsııalarmen jumys isteı alady.
Robot jumysyn jaqsartý úshin áli de oqyp, úırený ústinde.
