Brıtan saraptama ortalyǵynda Qazaqstandaǵy reformalar talqylandy
Sharaǵa Qazaqstan Respýblıkasynyń Ulybrıtanııadaǵy Elshisi Maǵjan Іlııasov, Henry Jackson Society saraptama ortalyǵynyń basqarýshy dırektory Tara-Djeın Satklıff jáne zertteý jónindegi dırektor Tomas Kıra, Brıtan-qazaq qaýymdastyǵynyń tóraǵasy Rýpert Gýdman, Qazaqstannyń Anglııadaǵy qurmetti konsýly Alan Spens, sondaı-aq Brıtan qoǵamdyq-saıası toptardyń ókilderi, sarapshylar men kásipkerler qatysty.
«Dóńgelek ústelge» jınalǵandar dıplomatııalyq qyzmet ornaǵan kúnnen bastap, 30 jyl ishinde saıası, saýda-ekonomıkalyq jáne mádenı-gýmanıtarlyq salalardaǵy jetistikter, Astana men London arasyndaǵy qarym-qatynastyń keleshegi týraly áńgimelesti.
Qazaqstan Elshisi memleket basshysy Qasym-Jomart Toqaevtyń saıası bastamalary jáne reformalarymen, qyrkúıekte jarııa etilgen Joldaýynyń basym baǵyttarymen tanystyrdy. Sonymen qatar 20 qarashada ótetin kezekten tys prezıdent saılaýynyń mán-mańyzy týraly baıandady.
Ulybrıtanııamen yntymaqtastyq Qazaqstannyń syrtqy saıasatyndaǵy eýropalyq baǵyt boıynsha basty basymdyqtardyń biri ekendigi erekshe atap ótildi. Budan bólek Qazaqstan men Ulybrıtanııa arasyndaǵy strategııalyq áriptestik týraly jańa kelisimdi qabyldaýdyń mańyzdylyǵyna mán berildi. Bul Kelisim ortaq múddege negizdelgen ekijaqty yntymaqtastyqty tereńdetýge jańa serpin bermek.
Іs-sharaǵa jınalǵandar Qazaqstannyń táýelsizdik jyldaryndaǵy jetistikterin, ekijaqty damý perspektıvalaryn, elimizde júrgizilip jatqan reformalardy oń qabyldady.
