Brıtan polıtsııasy qıratýshy - basbuzarlardy áleýmettik torǵa qamady
ASTANA. 11 tamyz. QazAqparat - Ulybrıtanııada aıyptalýshy qıratýshylardyń kinásin olardyń Twitter men Facebook-ke ózderi salǵan tonalǵan taýarlarynyń fotosy dáleldep otyr,
dep jazady RBK.
Qamaýǵa alynǵandardyń kóbine ǵımaratqa zańsyz ený jáne buzyp kirý arqyly tonaý jasaý aıyptary taǵylyp otyr. Alaıda olardyń keıbiri áleýmettik jeli arqyly tonaý jasaýǵa azǵyrǵany úshin aıyptalýda. Brıtanııada qıratýshylarǵa qarsy sharalar táýlik boıy jalǵasýda.
Qazirgi ýaqytta Londonda qamaýǵa alynǵan adamdardyń sany 880-ge jetti, 371 buzaqyǵa aıyp taǵyldy. Keıbir aıyptalýshylardyń jasy 11-ge endi tolǵan, alaıda olar da bul oqıǵada jaýapkershiliksiz qalmaıtyn bolady. «Jastaryń qylmys jasaýǵa jetse, sol jastaryń jasaǵan qylmystaryń úshin jaýap berýge de jetedi», - dedi Birikken Koroldik premer-mınıstri Devıd Kemeron.
Beısenbi, 11 tamyzda úkimet basshysy parlamenttiń tótenshe sessııasynda eldi jaılaǵan búlikshilikke baılanysty qosymsha qaýipsizdik sharalary jóninde esep beretin bolady. Sarapshylardyń aıtýynsha, D.Kemeron parlamentti jaǵdaıdy óz baqylaýynan shyǵarmaıtyndyǵyna sendirýi kerek.
