Brıtan parlamentarııleri Qazaqstan, Qyrǵyzstan jáne Ózbekstanǵa keledi
«Ózbekstanda komıtet músheleri Ózbekstan Syrtqy ister mınıstrliginiń ókilderimen kezdesip, Ulybrıtanııa qoldaıtyn jobalarǵa qatysady. Komıtet tıisinshe Qazaqstan men Qyrǵyzstanǵa barý úshin eki topqa bólindi», - delingen Ulybrıtanııa parlamentiniń saıtyndaǵy habarlamada.
Qazaqstanda brıtan parlamentarııleri Syrtqy ister mınıstrliginde, Energetıka mınıstrliginde jáne Májilistiń Halyqaralyq ister, qorǵanys jáne qaýipsizdik komıtetinde, al Qyrǵyzstanda Syrtqy ister mınıstriniń orynbasarymen jáne Jogorký Keneshtiń Halyqaralyq ister, qorǵanys, qaýipsizdik jáne kóshi-qon komıtetinde kezdesýler ótkizedi.
«Osy jerde biz Ortalyq Azııa elderindegi birqatar adamdar men uıymdarmen kezdesip, Ulybrıtanııanyń aımaqtaǵy múmkindikteri men qıyndyqtary týraly túsinik qalyptastyrý úshin olardyń pikirin tyńdaımyz», - deıdi Ulybrıtanııa parlamenti syrtqy ister komıtetiniń tóraǵasy Alısııa Kerns.
