Brıtan kásipkerin óltirgen Bo Sılaıdyń jubaıy ólim jazasyna kesildi
ASTANA. 21 tamyz. QazAqparat - Qytaıdyń qýdalaýǵa túsken saıasatkeri Bo Sılaıdyń áıeli Gý Kaılaı - Hefeı qalasy sotynyń sheshimimen kináli dep tabylyp, brıtan kásipkeri Nıl Heıvýdty óltirýdi aldyn ala josparlaǵany úshin eki jyl merzim ishinde júzege asyrylýǵa tıis ólim jazasyna kesildi.
Bul týraly Eýrazııa birinshi arnasy jazady.
newsru.com habarlaǵandaı, Qytaıdyń sot júıesinde eki jyl merzimge belgilengen úkim eger osy jyl ishinde Gý qandaı da bir qylmys jasaıtyn bolsa, kúshine enedi degendi bildiredi. Basqa jaǵdaıda ólim jazasy ómir boıy bas bostandyǵynan aıyrylýǵa aýystyrylýy múmkin, bul qazir QHR-da temir tordyń ar jaǵyndaǵy 14 jyldan kem emes merzimdi kórsetedi.
Aıta keteıik, 53 jastaǵy Kaılaıdyń ústinen qozǵalǵan sot nebári bir kúnge sozyldy. Áıel sotta ózin jaqsy ustady. Ol jaýap berý kezinde óziniń dosy ári iskerı seriktesi Bo Sılaıdy óltirgenin, sondaı-aq ekonomıkalyq qylmystarǵa qatysy baryn da moıyndady.
Esterińizge sala keteıik, brıtandyq kásipker Qytaıdyń ońtústik-batysyndaǵy Chýntsın qonaqúıinde 2011 jyldyń 15 qarashasynda óli kúıde tabylǵan bolatyn. Jergilikti bılik onyń ólimin ishimdikpen ýlanǵanymen baılanystyrdy, biraq onyń dostary kásipkerdiń ishimdikke onsha jaqyn emes ekenin aıtqan edi. Úsh aı ótken soń brıtandyqty bireýdiń ý berip óltirgeni anyqtaldy, sonda ǵana Qurama Koroldik qaıtadan tergeý jasaýdy talap etken bolatyn.
