Brıtan ǵalymdary shashty aǵartatyn gendi tapty
ASTANA. QazAqparat - Brıtan ǵalymdary adamnyń shashynyń aǵarýyna jaýapty gendi anyqtady. Osy jańalyq adamnyń qartaıý protsesin boldyrmaýǵa nemese baıaýlatýǵa jaǵdaı týǵyzýy múmkin. Zertteý nátıjesi Nature Communications basylymynda jarııalandy.
Ǵalymdar ártúrli násilge jatatyn 6 myńǵa jýyq eriktiniń DNK synamasyn alǵan.
IRF4 geni shashtaǵy, teridegi jáne kózdegi melanın pıgmentine jaýap beredi. Shashtyń aǵarýyna bul gen ǵana áser etpeýi yqtımal, sonda da bul jańalyq ǵalymdar úshin kóptegen nárselerdi túsinýge múmkindik beredi.
«Shashtyń túsýi jáne onyń túsine jaýapty birneshe gendi bilemiz, alaıda birinshi márte adamnyń shashynyń aǵarýyna jaýapty gendi, sondaı-aq shashtyń pishini men onyń tyǵyzdyǵyna jaýap beretin genderdi taptyq. Bul nátıjege kóp adamdarǵa zertteý júrgizý kezinde qol jetkizildi. Buǵan deıin osyndaı aýqymdy zertteý júrgizilmegen edi», deıdi zertteý tobyn basqarǵan London kolledjdik ýnıversıtetiniń zertteýshisi Kaýstýbh Adhıkarı.
Foto: Reuters
