Brıtan ǵalymdary: dınozavrlar meteorıt qulamaı-aq jer betinen joıylyp keter edi
ASTANA. QazAqparat - Brıtan ǵalymdary jerge meteorıt qulaýdan burynyraq dınozavrlar quryp ketý aldynda turdy dep málimdeýde. Bul týraly álemdik BAQ-tar habarlaıdy.
Redıng ýnıversıtetiniń ǵalymdary júrgizgen zertteýde, Bor dáýiriniń sońyna qaraı (shamamen 66 mln jyl buryn) dınozavrardyń kóptegen túrleri joıylyp bara jatqan dep kórsetilgen.
Asteroıd qulaǵannan keıin jer betindegi janartaýlardyń belsendiliginiń artýy jańa boljamda aıtylady, alaıda ǵalymdar apat alyp janýarlardyń qurýy mıllıon jylǵa sozylǵan úrdisine núkte qoıdy dep sanaıdy.
Ejelgi kesirtkelerdiń qańqalaryna keshendi zertteý júrgizilip, sonyń nátıjesinde olardyń jalpy sany meteorıt qulaǵanǵa deıingi 50 mln jyl ishinde azaıyp bara jatqandyǵy anyqtaldy. Oǵan dınozavrlardyń ózgerip bara jatqan klımatqa beıimdele almaýy sebep bolǵan.
