Brıtan baspasózi qazaqstandyq sportshyǵa qaıran qaldy
ASTANA. QazAqparat - Qazaqstannyń birneshe dúrkin chempıony jáne Azııa chempıonatynyń júldegeri, kásipqoı boksshy 22 jastaǵy Fırýza Sháripovaǵa sheteldik tabloıdtardyń erekshe nazary aýdy, dep habarlaıdy «QazAqparat» HAA tilshisi.
Sháripova Qazaqstannyń eń tartymdy sportshysy atandy. Sportshy óziniń áleýmettik paraqshasyna mundaı erekshe kóńildiń sporttyq mansapqa kedergi keltirmeıtinin aıtty, dep jazdy brıtandyq «Sun» gazeti.
«Bárine raqmet. Óz kelbetimmen ǵana emes, jetistikterimmen de sizderdi qýantýǵa tyrysamyn», - dep jazdy sportshy qyz.
Fırýza Sháripova qazaqstandyq boksshy, Denıs Rybakovtyń áıeli. Ol velosportpen jáne sý polosymen de aınalysady. Kópshilik oqyrman Fırýzanyń kásibı model bola alatynyn jazýda.
Sháripovanyń Taraz týmasy ekeni belgili. Onyń qorjynynda úsh kásibı rıng kezdesýi bar. Máskeýdegi birinshi aıqasta Olımpıada-2012 vıtse-chempıony, reseılik Sofıa Ochıgavadan jeńildi, keıinirek Ispanııada ıtalııalyq Anjelo Kanetsarony aıqyn basymdyqpen jeńdi, odan keıin Almatyda serb qyzy Mılena Matovıchti jeńdi.
Bıyl kóktemde Fırýza Sháripova ataq úshin talasqa túsedi. Sportshy qazir Máskeýde daıyndyqty bastap ketti.
