Brıtan azamaty 4 myń jyldyq tostaǵandy 5 dollarǵa satyp alǵan
ASTANA. QazAqparat - Brıtan azamaty tis jýýǵa qoldanyp júrgen tostaǵan 4 myń jyldyq eskertkish bolyp shyqty. Bul týraly livescience.com basylymy habarlady.
Ózi satyp alǵan qyshtan jasalǵan tostaǵannyń jasy 4000 jyl ekeni Karl Martınniń oıyna da kirip-shyqpaǵan.
Bazarda júrgen Karldyń tostaǵanǵa nazary túsedi. Sóıtip ony qumyramen birge 5 dollarǵa satyp alady.
Birneshe jyldan soń aýktsıondar úıine jumysqa ornalasqan Martın saýdaǵa shyǵarylǵan lottardyń ózi tis şetkalaryn salatyn tostaǵanǵa qatty uqsaıtynyn baıqap qalady. Saraptama kezinde onyń osydan tórt myń jyl buryn Aýǵanstan aýmaǵynda jasalǵany anyqtaldy.
«Tostaǵannyń Ońtústik Derbıshırdegi avtomobıl bazaryna qalaı baryp qalǵanyn endi eshqashan bile almaıtyn shyǵarmyn», - deıdi Karl Martın.
