Brıtan áskerleri Aýǵanstanda 2013-2014 jylǵa deıin bolady - Ulybrıtanııa qorǵanys shtabynyń bastyǵy
ASTANA. Qarashanyń 9-y. QazAqparat - Brıtan áskerleri Aýǵanstanda qaýipsizdikti qamtamasyz etýdi baqylaýdy aýǵan kúshterine «taǵy aldaǵy 4-5 jyl boıyna» bere almaıdy.
Bul týraly Ulybrıtanııa Qarýly Kúshteri qorǵanys shtabynyń bastyǵy, avıatsııa bas marshaly ser Djon Stırrap málim etti.
Marshalmen bolǵan suhbatty búgin brıtandyq VVS telekompanııasy habarlady.
Ser Djon Stırrap sondaı-aq, qolda bar aqparattarǵa sáıkes, «Ál-Kaıedanyń» barlyq sodyrlary men qurylymdary Aýǵanstan aýmaǵyn tastap shyqqanyn jáne qazir olar «Pákistannyń shaǵyn bir aýdanyna» oryn tepkenin habarlady.
