Brıtan áskerı áıelderine aldyńǵy qatarda soǵysýǵa ruqsat berilmek
ASTANA. QazAqparat - Brıtanııa qarýly kúshterinde qyzmet etetin áskerı áıelderge aldaǵy ýaqytta qoıan-qoltyq urystarda erlermen qatar aldyńǵy sapta urysqa aralasýǵa ruqsat berilmek, dep habarlady VVS.
Sońǵy ret bul másele 2010 jyly kóterilgen. Búkileýropalyq genderlik teńdik derekterine sáıkes, qorǵanys mınıstrligi áıelderdiń aldyńǵy qatarda soǵysqa qatysýyn shekteý týraly sheshimin qaıta qaraýdy 4 jyldan keıin ǵana qolǵa alady. Sondyqtan bul másele tek 2018 jyly kún tártibine qoıylmaq.
«Amerıkalyqtar, avstralııalyqtar, kanadalyqtar, ızraıldikter áıelderge áskerı bólimderde qyzmet etýge ruqsat bergen. Sondyqtan bizde bul máseleni qaıta qarap kórgenimiz jón», - deıdi Brıtan qorǵanys mınıstri Fılıp Hemmond.
Guardian gazetindegi derekter boıynsha, qazirgi tańda Ulybrıtanııa elinde 16 myńnan astam áıel áskerı qyzmetker bar. Ol shamamen búkil áskerdiń 10 paıyzyn quraıdy.
