Biryńǵaı ýaqyt beldeýine kóshý: 1 naýryzǵa bılet alǵandar ne isteýi kerek
ASTANA. KAZINFORM – Kólik mınıstrligi Halyqaralyq áýe kóligi qaýymdastyǵymen (IATA) birlesip júıeli jumys atqardy. Nátıjesinde qazaqstandyq avıakompanııalar áýe bıletin satý júıesine tıisti ózgerister engizdi. Bul jaıynda Azamattyq avıatsııa komıtetiniń baspasóz qyzmeti habarlady.
QR Úkimetiniń 2024 jylǵy 19 qańtardaǵy № 20 qaýlysyna sáıkes, 2024 jylǵy 29 aqpannan 1 naýryzǵa qaraǵan túni (saǵat 00:00–de) Astana, Almaty, Shymkent qalalarynda, sondaı-aq Abaı, Ulytaý, Jetisý, Aqmola, Almaty, Jambyl, Qaraǵandy, Qostanaı, Pavlodar, Soltústik Qazaqstan, Túrkistan, Shyǵys Qazaqstan oblystarynda jergilikti ýaqyt 1 saǵatqa artqa shegeriledi.
Jolaýshylarǵa buryn satyp alynǵan áýe bıletterine engizilgen túzetýler týraly tıisti habarlama jiberilgen.
Bul rette jolaýshylarǵa qolaıly jaǵdaı jasaý maqsatynda 29 aqpan men 2 naýryz aralyǵynda Avıatsııa ákimshiligi jedel shtabynda reıstiń ushý-kelý ýaqytyn ózgertý máselesi boıynsha senim telefony jumys isteıdi.
Jolaýshylar myna nómirlerge habarlasa alady: +7 (717-27) 9-82-14, + 77172 798213.
Sondaı-aq, aǵymdaǵy reıstiń jaǵdaıyn naqtylaý úshin jolaýshylarǵa áýejaıdyń aqparat qyzmetterine, qosymshalarǵa jáne avıakompanııanyń baılanys ortalyqtaryna habarlasýǵa bolady:
Air Astana: + 7727244 44 77, +7 (717-25) 8-44-77, +7 (702-70) 2-44-77;
FlyArystan: +7 727 331 1010 (WhatsApp +7 (702-70) 2-02-27;
SCAT: +7 (725-29) 9-88-80;
Qazaq Air: + 7 727 356 14 14.
