Biryńǵaı ýaqyt beldeýi bızneske qalaı áser etedi

ASTANA. KAZINFORM – Ulttyq ekonomıka birinshi vıtse-mınıstri Tımýr Jaqsylyqov ýaqyt beldeýiniń ózgerýi elimizdegi bızneske qalaı áser etetinin aıtty.

«Saýda mınıstrligindegi áriptesterimiz bul máselemen jan-jaqty aınalysyp jatyr. Olar tıisti taldaý jasady. Meniń oıymsha, olar bul suraqqa tolyǵyraq jaýap bere alady. Bıznes úshin aıtarlyqtaı shyǵyn bolmaıdy dep sanaımyz. Kerisinshe, tutynýshylar qandaı da bir qolaısyz jaǵdaıǵa tap bolsa, bul biren-saran sıpatta bolady», - dedi T. Jaqsylyqov Senatta ótken brıfıngide.

Onyń aıtýynsha, keń baıtaq elimizdiń barlyq aımaqtarynda jumys kúni bir ýaqytta bastalatyndyqtan, bıznes uzaq merzimdi oń nátıje alady.

«Al memlekettik qyzmetterdi alýǵa qatysty barlyq rásimder bir ýaqytta bastalyp, bir ýaqytta aıaqtalady. Bul óz kezeginde bızneske qatysty jaqsy jaǵdaı jasaýǵa múmkindik beredi», - dedi vıtse-mınıstr.

Eske sala keteıik, 1 naýryzdan bastap elimizdiń búkil aýmaǵynda biryńǵaı ýaqyt beldeýi ornaıdy.