Biryńǵaı tereze – syrtqy saýdany tsıfrlandyrýdaǵy jańa kezeń
ASTANA. KAZINFORM - Qazaqstan Respýblıkasynda eksport jáne ımport operatsııalaryn jeńildetýge baǵyttalǵan Biryńǵaı tereze júıesi memlekettik basqarýdy tsıfrlandyrý salasyndaǵy mańyzdy kezeńderdiń birine aınaldy. Bul bastama «Ult jospary – 100 naqty qadam» baǵdarlamasy aıasynda iske asyrylyp, syrtqy ekonomıkalyq qyzmetti retteýdiń zamanaýı ári ashyq modelin qalyptastyrdy.
Biryńǵaı tereze júıesi Qazaqstan Respýblıkasynyń Qarjy mınıstrligine qarasty Memlekettik kirister komıteti men BUUnyń Saýda jáne damý jónindegi konferentsııasy arasyndaǵy halyqaralyq yntymaqtastyq nátıjesinde engizildi. Júıe syrtqy ekonomıkalyq qyzmetke qatysýshylarǵa lıtsenzııalar, ruqsattar, sertıfıkattar, aldyn ala kedendik sheshimder jáne ózge de mindetti qujattardy bir elektrondyq platforma arqyly rásimdeýge múmkindik berdi. Bul qaǵaz túrindegi rásimderdi qysqartyp, memlekettik organdar arasyndaǵy ózara is-qımyldy edáýir ońaılatty.
Jobany iske asyrýǵa on eki mınıstrlik pen vedomstvo tartylyp, ınstıtýtsıonaldyq úılestirýdi Úkimet janyndaǵy arnaıy komıssııa júzege asyrdy. 2019 jyldan bastap júıeniń negizgi modýlderi kezeń-kezeńimen engizilip, elektrondyq deklaratsııalaý jáne baqylaý protsesteri tolyqtaı tsıfrlyq formatqa kóshirildi.
Ernur Syzdyqov – osy reformanyń mazmundyq jáne ádisnamalyq iske asýyna tikeleı qatysqan jetekshi sarapshylardyń biri. Ol halyqaralyq jobalar aıasynda uzaq jyldar boıy jumys istep, Qazaqstanda Biryńǵaı tereze jáne ASTANA 1 kedendik aqparattyq júıelerin engizýge úles qosty. Onyń kásibı ereksheligi bıotehnologııa salasyndaǵy akademııalyq bilimi men halyqaralyq kedendik retteý tájirıbesin ushtastyra otyryp, bıologııalyq jáne hımııalyq turǵydan retteletin taýarlardy baqylaý júıesin tsıfrlyq ortaǵa beıimdeýi boldy.
Sarapshynyń qatysýymen ǵylymı jáne tehnıkalyq jikteýler kedendik aqparattyq júıege engizilip, memlekettik organdar men keden qyzmetkerleri úshin biryńǵaı tsıfrlyq algorıtmder men ádistemelik anyqtamalyqtar ázirlendi. Bul sheshim kedendik baqylaýdyń dáldigin arttyryp táýekelderdi basqarý júıesin jetildirýge múmkindik berdi.
Ernur Syzdyqovtyń aıtýynsha Biryńǵaı terezeniń mańyzy tek rásimderdi jedeldetýmen shektelmeıdi.
– Bul júıe ǵylym men memlekettik basqarýdyń naqty toǵysqan jeri boldy. Qaýipsizdik ekologııa jáne halyqaralyq talaptar tsıfrlyq sheshimder arqyly bir júıege biriktirildi, - deıdi Ernur Syzdyqov.
Memlekettik jáne taldamalyq materıaldarda kórsetilgendeı, Biryńǵaı terezeniń iske qosylýy memlekettik organdardyń sheshim qabyldaý protsesindegi adam faktoryn azaıtyp, ashyqtyqty arttyrdy, sybaılas jemqorlyq táýekelderin tómendetti. Al bıznes úshin eksport-ımport rásimderin aıtarlyqtaı jyldamdatyp, ýaqyt pen qarjylyq shyǵyndardy qysqartty. Qaǵaz, qujat aınalymynyń azaıýy memlekettik qyzmetterdiń qoljetimdiligin arttyrdy.
Sonymen qatar júıe Qazaqstannyń Dúnıejúzilik saýda uıymy jáne Eýrazııalyq ekonomıkalyq odaq aıasyndaǵy halyqaralyq mindettemelerin oryndaýyn kúsheıtip, memlekettik organdarǵa ruqsat qujattarynyń qoldanylýyn naqty ýaqyt rejıminde baqylaýǵa múmkindik berdi.
– Qazaqstan osy reforma arqyly tsıfrlyq keden ınfraqurylymy damyǵan halyqaralyq saýda úshin boljamdy jáne senimdi seriktes retinde tanyldy. Bul tek tehnologııalyq emes, ınstıtýtsıonaldyq jetistik, – dep qorytyndylady Ernur Syzdyqov.
Sarapshylardyń pikirinshe, Biryńǵaı tereze Qazaqstandaǵy tsıfrlyq memlekettik basqarýdyń tabysty úlgileriniń biri bolyp qalyptasty. Al salaaralyq bilimi bar mamandardyń qatysýy bul reformanyń halyqaralyq standarttarǵa saı ári praktıkalyq turǵydan tıimdi iske asýyna sheshýshi yqpal etti.