Biryńǵaı QR-tólem júıesi qoldanystaǵy termınaldardy aýystyrýdy qajet etpeıdi
ALMATY. KAZINFORM – Qazaqstanda bankter arasyndaǵy biryńǵaı QR-tólem júıesin engizý kásipkerlerge POS-termınaldardy aýystyrýdy qajet etpeıdi.
Bul týraly Óńirlik kommýnıkatsııalar qyzmetinde ótken brıfıng barysynda Ulttyq tólem korporatsııasynyń tólem júıelerin damytý departamentiniń dırektory Raıymbek Shaımerdenov aıtty.
— POS-termınaldarmen eshteńe jasaýdyń qajeti joq. Saýda oryndary qoldanystaǵy qurylǵylarda jumysyn jalǵastyra beredi, al bankter baǵdarlamasyn qashyqtan jańartady. Buǵan eshkim eshteńe tólemeıdi. ıAǵnı, bankter men saýda oryndarynyń qazirgi ınfraqurylymy ózgermeıdi, — dedi ol.
Sonymen qatar Raıymbek Shaımerdenov jańa tólem júıesi arqyly kez kelgen banktiń mobıldi qosymshasy arqyly taýarlar men qyzmetterge tólem jasaýǵa bolatynyn atap ótti. Sondyqtan kásipkerlerge birneshe termınal ornatýdyń qajeti joq, al adamdar qandaı bank qurylǵysynyń bar ne joq ekenine alańdamaıdy.
Eske salaıyq, 13 qarasha kúni elimizde biryńǵaı bankaralyq QR-tólem júıesi resmı túrde iske qosyldy. Alǵashqyda júıege Bank TsentrKredıt, Freedom Bank, Halyk Bank, Altyn Bank, RBK Bank jáne Home Credit Bank qosylǵan. Qazir olardyń sany artyp otyr.
Jalpy barlyq bank úshin biryńǵaı QR-kod júıesi 2024 jyly Almatyda tanystyrylǵan bolatyn.