«Biryńǵaı medıa-platforma» aqparattyq júıesi ázirlenip jatyr
ASTANA. KAZINFORM – «Biryńǵaı medıa-platforma» aqparattyq júıesi ázirlenip jatyr. Bul týraly Senat depýtattarynyń saýalyna Premer-mınıstr Oljas Bektenovtiń jaýabynda aıtylǵan.
– Qazirgi ýaqytta «Qazaqstannyń ulttyq elektrondyq kitaphanasy» aqparattyq júıesi jumys isteıdi. Bul júıede 80 myńnan astam kitaptar, dıssertatsııalar, gazetter men jýrnaldardyń elektrondyq kóshirmeleri jınaqtalǵan. Búginde aqparat salasyndaǵy protsesterdi avtomattandyrý men júıeleý úshin «Biryńǵaı medıa-platforma» aqparattyq júıesin qurý jumystary istelinip jatyr. Júıeni qurý maqsatynda Jasandy ıntellekt jáne tsıfrlyq damý mınıstrligi qajetti jumystardy atqarýda, - dedi Úkimet basshysy jaýabynda.
Onyń atap ótýinshe, atalǵan platforma gazetter men jýrnaldardyń mindetti tegin danalaryn saqtaýǵa arnalǵan jáne oqyrmandar men qoǵamǵa qajetti materıaldardy paıdalaný úshin qoljetimdilikti qamtamasyz etýge múmkindik beredi.
– Aldaǵy ýaqytta «Biryńǵaı medıa-platforma» men «Qazaqstannyń ulttyq elektrondyq kitaphanasy» aqparattyq júıeleri ıntegratsııalanady. Eki júıeni ıntegratsııalaý barysynda gazetter men jýrnaldardy esepke alý, olarǵa qoljetimdilikti qamtamasyz etý, elektrondyq jáne tsıfrlyq formatqa kóshirý boıynsha biryńǵaı qaǵıdalardy ázirlenip, bekitiledi, - dedi Oljas Bektenov.
Eske sala keteıik, buǵan deıin Qazaqstanda salalyq JI modelder qurylatynyn habarlaǵan edik.