Biryńǵaı Kazakhstan.travel portaly qashan iske qosylady
ASTANA. KAZINFORM — 2026 jyldyń aıaǵynda AI-assıstenti bar biryńǵaı Kazakhstan.travel portaly iske qosylady. Bul týraly Úkimet otyrysynda QR Týrızm jáne sport mınıstri Erbol Myrzabosynov málim etti.
— Salany damytýdyń mańyzdy baǵyttarynyń biri — tsıfrlandyrý jáne biryńǵaı tsıfrlyq ekojúıeni qalyptastyrý. «eQonaq» — týrıstik aǵyndardy esepke alý jáne monıtorıng júrgizýge arnalǵan aqparattyq júıe. Búgingi tańda júıede 900 myńnan astam paıdalanýshy tirkelgen, — dedi E. Myrzabosynov.
Sonymen qatar ol týrıstik aqparattyq resýrstardy AI-assıstenti bar biryńǵaı Kazakhstan.travel portalyna biriktirý jumystary jalǵasyp jatqanyn aıtty.
— Portal 8 tilde qoljetimdi bolyp, is-sharalar kúntizbesin, týrıstik jarııalanymdardy, fotobankti, elimizdiń týrıstik nysandary boıynsha 3D-týrlardy qamtıdy. Portaldy iske qosý 2026 jylǵy jeltoqsanǵa josparlanǵan, — dedi mınıstr.
Buǵan deıin týrızm salasynda 600 myńnan astam adam jumyspen qamtylǵanyn jazǵan edik.
