Biryńǵaı dıstrıbıýtor Qyzylordaǵa dárilik zattardyń 91% jetkizip berdi

QYZYLORDA. KAZINFORM – Bıyl Qyzylorda oblysyndaǵy 60 medıtsına uıymyna 1067 ataýly dárilik zattar men medıtsınalyq buıymdar satyp alý josparlanǵan.

«SQ-Farmatsııa» JShS Qyzylorda oblysy ókildiginiń habarlaýynsha, onyń somasy — 10,85 mlrd teńge. Sondaı-aq 1,9 mlrd teńgege qosymsha ótinim berilgen.

- Biryńǵaı dıstrıbıýtor men 60 medıtsınalyq uıym arasyndaǵy qosymsha ótinimderdi eskere otyryp, 991 ataýdaǵy dárilik zattar men medıtsınalyq buıymdardy 11,7 mlrd teńgege jetkizý jóninde kelisimsharttar jasalǵan. Búgingi kúnge deıin biryńǵaı dıstrıbıýtor 10,7 mlrd teńgege dárilik zattardy jetkizip berdi. Bul - josparlanǵan qarjynyń 91%-y, - dedi ókildik basshysy Aıjan Edilova.

Jyl basynda medıtsınalyq uıymdarda 2024 jyldan qalǵan 308 ataýdaǵy dárilik zattar men buıymdardyń quny 416,20 mln teńge turatyn qory tirkelgen.

- Búgingi kúni halyq 9,4 mlrd teńgeniń dári-dármegimen qamtamasyz etilgen. Oblystyń medıtsına uıymdarynda 208,6 mln teńgeniń preparattary bar, - dedi «SK-Farmatsııa» ókili.

Eske salsaq, oblysta sırek kezdesetin aýrýǵa shaldyqqan naýqastardyń emine jergilikti bıýdjetten 2022 jylmen salystyrǵanda 2,5 ese kóp qarjy bólindi.