BRIKS sammıti 2016 jyly 15-16 qazanda Goada ótedi

ASTANA. QazAqparat - Úndistan tóraǵalyq etetin BRIKS kezekti sammıti 15-16 qazanda Goada ótedi, dep habarlady RIA Novostı Úndistannyń syrtqy ister mınıstri Sýshma Svaradjǵa silteme jasap.

BRIKS sammıti 2016 jyly 15-16 qazanda  Goada ótedi

"BRIKS-tiń kelesi sammıti 2016 jyly 15-16 qazanda Goa qalasynda ótedi", - dedi ol.

Mınıstr sammıttiń logotıpi men BRIKS-tegi Úndistan tóraǵalyǵynyń saıtyn kórsetti.

BRIKS - Brazılııa, RF, Úndistan, QHR jáne OAR beıresmı memleketaralyq birlestigi. BRIKS elderi turǵyndarynyń jalpy sany - 2,83 mıllıard adam (álem turǵyndarynyń 42%-y).

BRIKS formatynyń saıası jáne ekonomıkalyq salmaǵy artyp keledi. 2015 jyly sáýirde Reseı bir jylǵa Brazılııadan topqa tóraǵalyq etýdi qabyldaǵan. Jyldyń negizgi oqıǵasy Ýfadaǵy BRIKS elderiniń sammıti boldy.