«BRIKS Plıýs» memleketteri joǵary ókilderiniń kezdesýi ótti
SANKT-PETERBÝRG – Sankt-Peterbýrg qalasynda «BRIKS Plıýs» memleketteriniń qaýipsizdik máselelerine jaýapty joǵary ókilderiniń kezdesýi ótti. Jıynǵa Qazaqstan Respýblıkasy Qaýipsizdik Keńesiniń hatshysy Ǵızat Nurdáýletov qatysty. Bul týraly Aqordanyń baspasóz qyzmeti málim etti.
Іs-sharaǵa qatysýshylar halyqaralyq qaýipsizdikke tónetin eń ózekti syn-qaterler men qaýipter jóninde pikir almasty. Sondaı-aq beıbitshilik pen turaqtylyqty qamtamasyz etý maqsatynda «BRIKS Plıýs» elderiniń ózara yqpaldastyǵyn tereńdetý máseleleri talqylandy.
Qazaqstan Respýblıkasy Qaýipsizdik Keńesiniń hatshysy áriptesterin elimizdiń óńirlik qaýipsizdik salasyndaǵy negizgi baǵyttary boıynsha ustanymynan habardar etti. Sonymen qatar azyq-túlik jáne sý-energetıkalyq qaýipsizdikti qamtamasyz etý, halyqaralyq terrorızm men kıberqaýipsizdik qaterlerine qarsy turýǵa qatysty birlesken sharalardy úılestirýdiń mańyzdy ekenin atap ótti.
