BRIKS kóshbasshylary Sıamendegi sammıttiń birinshi sessııasyna jınaldy
ASTANA. QazAqparat - BRIKS sammıti Qytaıdyń Sıamen qalasynda bastaldy. Reseı, Qytaı, Brazılııa, Úndistan jáne Ońtústik Afrıka Respýblıkasynyń kóshbasshylary sammıttiń alǵashqy plenarlyq otyrysyna jınaldy, dep habarlaıdy TASS.
Kezdesý bastalmas buryn memleket jáne úkimet basshylary resmı fotoǵa túsý sharasyna qatysty. Ortalyq orynǵa sımmıt qojaıyny, QHR-dyń tóraǵasy Sı Tszınpın jaıǵasty. Onyń oń jaǵyna Reseı prezıdenti Vladımır Pýtın men Brazılııa prezıdenti Mıshel Temer ornalasty. Al, sol jaǵyna Ońtústik Afrıka prezıdenti Djeıkob Zýma men Úndistan premeri Narenda Modı otyrdy. Fotograftardyń suraýymen memleket basshylary bir-biriniń qoldarynan ustady. Sýretke túsý aıaqtalǵannan keıin kóshbasshylar otyrys zalyna ótip, kelissózderdi bastady. Otyrys jabyq túrde ótip jatyr.
«Álemdik ekonomıkalyq jaǵdaılar, ǵalamdyq ekonomıkalyq basqarý, halyqaralyq jáne aımaqtyq shıelenister, ulttyq qaýipsizdik jáne damý máseleleri basty taqyryptar retinde qarastyrylady», - dedi ol. Odan keıin kóshbasshylar BRIKS-tiń aldaǵy damý máselelerin qarastyratyn talqylaýdy keńeıtilgen quramda jalǵastyratyn bolady.
