BRIKS banki alǵashqy nesıesin qytaı valıýtasymen beretin boldy
ASTANA. QazAqparat - BRIKS (Brazılııa, Reseı, Úndistan, Qytaı, OAR) elderiniń Jańa damý banki (JDB) óziniń alǵashqy nesıesin qytaıdyń ulttyq valıýtasy - ıýanmen beredi. Bul týraly jýrnalısterge atalǵan qarjy ınstıtýtynyń prezıdenti Kýndapýr Vaman Kamath aıtty, dep jazady TASS.
«Banktiń alǵashqy kredıti 2016 jylǵy sáýirde ıýanmen beriletin bolyp maquldandy», - dep úndistandyq Outlook jýrnalynyń saıtynda onyń sózi keltirilgen. JDB qurý týraly kelisimge 2014 jylǵy shildede Brazılııada ótken BRIKS sammıtinde qol qoıylǵan. Ol BRIKS memleketterinde jáne damýshy elderde ınfraqurylymdyq jobalar men turaqty damý jobalaryn qarjylandyrýǵa baǵyttalady. JDB ruqsat etilgen kapıtalynyń kólemi - 100 mlrd dollar, onyń shtab-páteri Shanhaıda ornalasqan.
