Breıkıng pen quzǵa órmeleý sheberleri Shanhaıda joldamaǵa talasady
ASTANA. KAZINFORM – 16-19 mamyr aralyǵynda Qytaı Halyq Respýblıkasynyń Shanhaı qalasynda breıkıng pen quzǵa órmeleýden álemdik lıtsenzııalyq jarys ótedi.
Sportty damytý dırektsııasynyń baspasóz qyzmeti málim etkendeı, bul synda breıkıngten Ulttyq qurama kóshbasshysy Amır Zakırov favorıtter qatarynda synǵa túsedi.
Al quzǵa órmeleýden jankúıerler Rıshat Haıbýllın, Ámir Maımýratov pen Tamara Oljabaevanyń jolyna úmitpen qaraıdy.
Aıta keteıik, sporttyń bul túrinde lıtsenzııa sportshynyń jeke ózine beriledi. Sondyqtan jarysqa qatysatyn sportshylarymyz aıanyp qalmasy anyq.
Ár Ulttyq federatsııa Parıjdegi oıyndarǵa 2 er, 2 áıel apara alady. Qazir tek 13 memlekettiń sportshylary kvotaǵa qol jetkizip úlgergen.
Shanhaıda joldama ala almaǵan atletter bir aıdan soń Majarstan astanasynda sońǵy ret baq synaıdy.
