Brexit-tiń jarty mıllıonnan astam qarsylastary jańa referendým ótkizýdi talap etýde
ASTANA. QazAqparat - Ulybrıtanııanyń Eýroodaqtan shyǵýyna qarsy toptar osy másele boıynsha jańa referendým ótkizýdi qalaıdy. RIA Novostı agenttigi bul jóninde Birikken Koroldik parlamentiniń saıtynda petıtsııa jarııalanǵanyn habarlady.
Jańa plebestsıt bastamashylary úkimetti Brexit-ti qoldap nemese qarsy daýys bergender sany 60 paıyzdan az bolsa, biraq qatysý úlesi 75 paıyzdan tómen bolsa qaıtadan daýys berý erejesin qoldanýǵa shaqyrdy.
Búgingi tańda 515 myń 811 adam petıtsııaǵa qoldaý bildirgen. Bul qajetti 100 myń qol sanynan bes ese kóp.
Ulybrıtanııanyń Eýroodaqtan shyǵýyna qatysty referendýmda azdaǵan ǵana aıyrmashylyqpen Brexit jaqtastary jeńip shyqqan bolatyn. Al EO músheliginen shyǵýdy daýys berýshilerdiń 51,9 paıyzy qoldaǵan.
