Brexit sheshiminen keıin munaı baǵasy quldyraýdy jalǵastyrýda
ASTANA. QazAqparat - Dúısenbi kúni munaıdyń álemdik baǵasy arzandaýdy jalǵastyrýda, óıtkeni ınvestorlar áli kúnge deıin Ulybrıtanııanyń Eýropalyq Odaqtan shyǵý (Brexit) máselesin talqylaýdy jalǵastyryp jatyr jáne oǵan atalǵan saýda kýálándyrýda.
Máskeý ýaqytymen 06:49 Brent markaly soltústik teńiz munaıy qospasynyń qyrkúıek aılyq fıýchersi 0,31%, ıaǵnı barelli 48,89 dollarǵa deıin arzandasa, WTI markaly munaıdyń tamyzdyq fıýchersi 0,55%, ıaǵnı barrelli 47,38 dollarǵa deıin arzandaǵan dep habarlaıdy RIA Novostı.
Ótken beısenbide Ulybrıtanııada EO múshelikke baılanysty referendým ótken bolatyn. Jumada shyqqan resmı aqparattarǵa súıensek, eldiń Eýropalyq Odaqtan shyǵýy úshin 51,9% brıtandyq daýys bergen.
Daýys berý qarsańynda jasalǵan kóptegen áleýmettik saýalnamalar Brexit-ti qoldamaýshylar sanynyń kóptigin kórsetken bolatyn, sondyqtan kóptegen qatysýshylar Ulybrıtanııanyń EO óz músheligin saqtap qalatyndyǵyna senimdi boldy. Sol sebepti, daýys berý qorytyndysy kóptegen ınvestorlar men sarapshylarǵa kútpegen jaǵdaı boldy. Munaı baǵasy Brexit aıasynda 6% quldyrady.
«Bári Brexit-pen tikeleı baılanysty. Qazirgi tańda negizgi faktorlar ekinshi orynǵa jyljytyldy, óıtkeni naryqtar Brexit-tiń barlyq jaǵdaıǵa qalaı yqpal jasaıtynyn anyqtap jatyr», - dep Melbern qalasynda Blýmberg agenttigine IG Ltd naryqtyq strategi Evan Lýkas (Evan Lucas) habarlady.
