Brexit-ke narazy 50 myń adam London ortalyǵyna jınaldy
ASTANA. QazAqparat - Londonda Ulybrıtanııanyń Eýroodaqtan shyǵýyna qarsy jappaı narazylyqtar bastaldy. Bul týraly TASS PressAssociation agenttigine silteme jasap habarlaıdy.
Naýqandy uıymdastyrýshylardyń aıtýynsha, London ortalyǵyndaǵy Ýaıtholl kóshesiniń boıyndaǵy qarsylyq ereýiline kemi 50 myń adam qatysqan.
Sherýshiler «Birigińder, oılaryńdy ózgertińder, Brexit-ten bas tartyńdar» dep urandaǵan.
«Meniń ashýym azapqa, yzam úmitsizdikke aınaldy. Biraq, Brexit boıynsha kelissózder bastalǵaly masqara sezimdi bastan keship júrmin. Elimizdiń kóshbasshylary úshin, Ulybrıtanııa úshin arlanamyn», - dedi ereýil qatysýshylary aldynda sóz sóılegen energetıka jáne klımattyq ózgeris isteri boıynsha burynǵy mınıstr, Parlamenttik alańdaǵy mıtıngke qatysýdy josparlap júrgen Ed Deıvı.
Oǵan ırlandyq The Boomtown Rats rok-tobynyń kóshbasshysy, saıası belsendi Bob Geldof syndy ózge de tanymal Brexit qarsylastary qosyldy.
Demonstratsııa men mıtıng dúısenbi kúni Qaýymdastyqtar palatasynda ótetin Ulybrıtanııa aýmaǵynda «Bas tartý týraly bıllem» nemese «Brexit týraly bıllem» dep atalatyn jalpyeýropalyq zańnamany qaldyrý nemese bas tartý máselesi boıynsha daýys berý sharasyna baǵyttalǵan.
