Bireý oryndyqty syndyrsa, oǵan eshkim eskertý jasamaıdy – Dosaev turǵyndar mádenıeti týraly

ALMATY. KAZINFORM – Almaty qalasynyń ákimi Erbolat Dosaev Almaly aýdanynyń turǵyndarymen kezdesti. Suraq-jaýap kezinde aýdan turǵyny «Almatylyqtardyń kodeksin» jasaýdy usyndy.

«Men «Almatylyqtardyń kodeksin» jasaýdy usynamyn. Abaı boıyndaǵy oryndyqtarda «ómirden lázzat alyńyz» degen jazýlar bar, otyraıyn deseń onda temekiniń tuqyly turady. Sondyqtan turǵyndarǵa birdeı kodeks jasaıyq», - dedi turǵyn.

Erbolat Dosaev qazirgi ýaqytta «Taza Qazaqstan» baǵdarlamasy iske asyrylyp jatqanyn atap ótti.

«Memleket basshysynyń «Taza Qazaqstan» bastamasyn adamdar jaqsy qabyldady. Men Almaty jaqsara tústi dep oılaımyn. Jalpy ortaq mádenıetimiz týraly suraqtar áli de bar. Biraq bul másele bir kúnde sheshilmeıdi. Bireý qoqys tastasa ne daladaǵy oryndyqtardy syndyrsa, adamdar kóbine oǵan eskertý jasamaıdy. «Meniń sharýam emes» deıdi. Bul da bizdiń zatymyz, al Almaty ortaq úıimiz ekenin túsingen kezde bizde tártip pen tazalyq bolady», - dedi Almaty ákimi.

Eske salaıyq, buǵan deıin Almatynyń Neke saraıy nelikten qaraýsyz qalǵanyn jazǵan edik.