Bireýi Máskeýde ustaldy: Astanada qurylys kompanııalarynyń basshylary tergelip jatyr
Qylmystyq qýdalaý organy 10 kóp páterli turǵyn úı kesheni boıynsha josyqsyz qurylys salýshylarǵa qatysty 7 qylmystyq isti tergep jatyr, dep habarlaıdy Kazinform.
Astana qalasy prokýratýrasy qylmystyq isterdi tergeý barysy baqylaýǵa alynǵanyn málimdedi.
Tergeý organy iske qatysy bar barlyq adamdy jáne olardyń múlkin anyqtaýǵa baǵyttalǵan.
7 adamǵa, sonyń ishinde qurylys kompanııalarynyń 3 basshysyna qamaýǵa alý túrindegi bultartpaý sharasy qoldanyldy.
Reseı Federatsııasynyń quqyq qorǵaý organdarynyń kómegimen is boıynsha negizgi fıgýranttardyń biri Máskeý qalasynyń aýmaǵynda ustaldy.
Ol 5 mlrd teńgeden asatyn zalal keltirgeni úshin kúdikke ilindi.
Búgingi tańda Reseı Federatsııasynyń Bas prokýratýrasy azamattyq, otbasylyq jáne qylmystyq ister boıynsha quqyqtyq kómek jáne quqyqtyq qatynastar týraly Konventsııa negizinde kúdiktini ustap berý týraly ótinishti qanaǵattandyrdy.
