Breste Láıla Ahmetovanyń oqý quralynyń tanystyrylymy ótedi
Bul týraly QazAqparat tilshisine Qazaqstan Respýblıkasynyń Brest qalasyndaǵy Qurmetti konsýldyǵynan habarlady.
Kitap avtorlary - QazUÝ-dyń ıÝNESKO kafedrasynyń meńgerýshisi, tarıhshy jáne jýrnalıst, qoǵam qaıratkeri, professor Láıla Ahmetova jáne ol kisiniń ustazy, HH ǵasyrdyń tarıhyna arnalǵan kóptegen oqýlyqtardyń avtory, QazMÝ túlegi, professor Vladıslav Grıgorev.
«Qaharly 1941. Tarıhshylardyń oı-tolǵaýy» kitabyna Reseı, Qazaqstan, Germanııa muraǵattarynan jýyrda tabylǵan derekterge, HH jáne HHІ ǵasyrlardaǵy kitaptarǵa, keńes jáne nemis komandırleriniń estelikteri men kúndelikterine, soǵys qatysýshylarynyń áńgimelerine jasalǵan taldaýlar endi. Uly Otan soǵysynyń eń surapyl kezeńi - onyń alǵashqy jyldary jiti zerdelendi. Tarıhshylar ózderiniń nazarlaryn sol ýaqyttaǵy basty degen 15 máselege aýdardy. Solardyń ishinde soǵystyń bastalýy, qyzyl áskerılerdiń shaıqasy jáne tyldaǵy eńbek, qaıta sheginýge májbúr bolǵan, jeńiliske ushyraǵan kúnderdiń kúıinishi jáne Máskeýdi qorǵaý taqyryptary bar.
