Brest qamalyn qorǵaýshy 1 myń qazaqstandyqtyń 472-siniń ǵana aty-jóni belgili
Bul týraly búgin Almatyda ótken Brest qamalyn qorǵaýshylarǵa arnalǵan baspasóz máslıhatynda aıtyldy.
Atalmysh sharany Uly Jeńistiń 68 jyldyǵy qurmetine oraı QR Memlekettik ortalyq mýzeıi men ál-Farabı atyndaǵy Qazaq ulttyq ýnıversıteti túlekteriniń qaýymdastyǵy birlesip uıymdastyrdy.
Brest qamalyn qorǵaýshy qazaqstandyq jaýyngerler týraly izdenýshi Láılá Ahmetovanyń aıtýynsha, keńestik dáýirde Brest qamalyn qorǵaýǵa 29 qazaqstandyq qatysty dep ǵana aıtyldy. Bul derektiń shyndyǵyna ǵalymnyń kúmáni bar edi. Óıtkeni, 1941 jyldyń kókteminde Qazaqstannyń túkpir-túkpirinen jınalǵan 4 eshalon adamdy áskerı mindetin óteý úshin batysqa jibergen bolatyn. Árıne, olardyń bári birdeı Brestke jetken joq. Degenmen soǵystyń alǵashqy kúni jaý basqynshylyǵyna qarsy turǵan qazaqstandyqtardyń sany qısyn boıynsha 29-dan kóp bolýy tıis degen oı ony árdaıym mazalaıtyn. Óz pikirin dáleldeý úshin uzaq jyl quzyrly organdardyń muraǵattaryn aqtarǵan ǵalym 2012 jyldyń maýsym aıynda Brest qamalyn qorǵaýǵa qatysqan 472 qazaqstandyqtyń aty-jónin anyqtap, jarııalaýǵa múmkindik aldy.
«Reseılik izdeýshilerdiń paıymdaýynsha, Brest qamalyn qorǵaýǵa qatysqan qazaqstandyqtar sany 1 myń adamdy quraǵan. ıAǵnı, qazir olardyń tek 30 paıyzynyń ǵana aty-jóni anyqtalyp otyr. Sondyqtan bul baǵytta atqarylatyn shara áli kóp», - deıdi QazUÝ professory L. Ahmetova.
