Brent jáne WTI markaly munaıdyń baǵasy tómendep ketti
BAKÝ. QazAqparat – Eýroodaq Reseıdiń energetıkalyq taýarlaryna qosymsha sanktsııa salǵan soń beısenbide munaı baǵasy taǵy da tómendedi, dep habarlaıdy Investing.com saıtyna silteme jasap.
Batystyń Reseıge qarsy buryn-sońdy bolmaǵan sanktsııalaryna baılanysty jahandyq energetıkalyq daǵdarys qaýpi ulttyq qorlardan aldaǵy jarty jylda naryqqa shyǵarý josparlanǵan munaı jetkizý kóleminiń kúrt ósýine qatysty alańdaýshylyq týǵyzdy.
Reseıge qarsy sharalardyń qubylýy beısenbide munaı baǵasynyń taǵy da tómendeýine ákelip soqtyrdy, sonyń saldarynan Brent álemdik etalony AQSh-tyń WTI markaly munaıyna qysqa ýaqytqa teńesip, baǵasy barreline 100 dollardan tómen boldy.
Shanhaıda sońǵy eki jyldaǵy koronavırýstyq indet munaıǵa qysymdy kúsheıtti, bul Qytaıdyń ekinshi úlken qalasynda bir aptadan astam ýaqytqa sozylǵan karantınge ákeldi, bul ekinshi iri munaı tutynýshy elde suranysqa qatysty alańdaýshylyq týdyrdy.
«EO jaqyn arada reseılik munaıǵa sanktsııa salatyn sııaqty emes, bul munaıǵa sońǵy eń joǵary deńgeıge jetý úshin birneshe jańa katalızator qajet bolady degen sóz», - dep atap ótti OANDA onlaın saýda platformasynyń sarapshysy Ed Moııa.
Onyń aıtýynsha, shıki munaı qorlaryn jappaı shyǵarý jospary munaı baǵasynyń qysqa merzimge tómendeýin qamtamasyz etedi.
2022 jyldyń 8 sáýirindegi jaǵdaı boıynsha, Brent markaly munaı 49 tsent nemese 0,5%-ǵa tómendep, barreline 100,58 dollardy quraǵan.
Ótken aptada Brent baǵasy 13%-ǵa tómendedi, bul 2020 jyldyń sáýirinen bergi eń joǵary aptalyq tómendeý bolǵan.
Ótken aptada WTI markaly munaı baǵasy shamamen 13 paıyzǵa tómendep, 100 dollardan tómen túsken.
Atap óteıik, munaı baǵasy Parıjde ornalasqan Halyqaralyq energetıkalyq agenttiktiń ashyq naryqqa 60 mıllıon barrel munaı shyǵarý josparyn jarııalaǵannan keıin úshinshi kún qatarynan tómendep keledi.
Alty aıdyń ishinde naryqqa barlyǵy 240 mıllıon barrel qosylyp, nátıjesinde bir kúnde 1,33 mıllıon barrel taza munaı keledi.
Bul Saýd Arabııasy baqylaıtyn jáne Reseı basqaratyn OPEK+ alıansy aıasynda álemdik munaı óndirýshiler jasap otyrǵan aı saıynǵy 400 000 barrel óndiris ósimin úsh eseden astam arttyrady.
