Brent munaıynyń bir barreli 55,17 dollarǵa deıin qymbattady
ASTANA. QazAqparat - Londondyq ICE Futures bırjasynda saǵat 8:51-ke qaraı Brent markili munaıdyń bir barreliniń baǵasy naýryz fıýchersinde $0,42 (0,77%) - $55,17 deıin kóterildi. Dúısenbi, 2 aqpanda, naryqtyń jabylýy kezinde fıýchers quny $1,76 (3,32%) ósip, bir barreli úshin $54,75 qurady, dep jazdy Ýtro.rý.
Nıý-Iork saýda bırjasyndaǵy WTI munaıy barreliniń baǵasy naýryzdaǵy fıýcherste bul kezde $0,34 (0,69%) ósip, $49,91 deıin ulǵaıdy. Aldaǵy sessııa qorytyndysy boıynsha kelisimshart baǵasy bir barreli úshin $1,33 (2,76%) - $49,57 deıin qymbattady.
