Brent munaıynyń barreli Grekııadaǵy referendýmnan keıin 60 dollardan arzandady
ASTANA. QazAqparat - Brent markaly munaı baǵasy barreline 60 dollardan tómen túskenin saýda-sattyq derekteri kórsetti.
Bul týraly RBK jazady.
Bloomberg agenttigi atap ótkendeı, saýda-sattyq barysynda Brent baǵasynyń barreli $59,35-ke deıin túsýi eldiń eýoraımaqtan shyǵý yqtımaldyǵyn bildiretin Grekııadaǵy referendým nátıjesiniń aıasynda oryn alýda.
«Grekııadaǵy jaǵdaı suranysqa belgili bir deńgeıde áser etýde», - dep málimdedi agenttikke CMC Markets in Sydney jetekshi sarapshysy Rık Spýner.
Kredıtorlar usynystary máselesi boıynsha referendým Grekııada jeksenbi, 5 shildede ótti. Referendýmǵa qatysqandardyń 61 paıyzy halyqaralyq kredıtorlar sharttaryn qabyldaýǵa qarsy daýys berdi.
